 | Bakit Mailap ang Ginto? |
Kailan ba huling nakasungkit ng medalya ang Pilipinas sa Olympics? Bakit nga ba hanggang ngayon ay wala pa ring ginto sa listahan ng mga medalyang nakuha na ng mga atletang Pilipino?
Kung tutuusin, walang dudang magagaling ang ating mga atleta. May kakayahan sila at talento. Malaki ang potensyal nilang manalo. Sa suporta lang talaga ng gobyerno nagkukulang.
Hindi maikakaila na karamihan sa mga magagaling na atleta ay salat sa buhay. Dahilan para magkulang sila sa mga kagamitang pang-ensayo at panglaban. Kadalasan pa nga ay luma at sira-sira na ang kanilang mga kagamitan. Ang iba pa sa mga iyon ay donasyon lang at pinaglumaan. Hindi naman nila magawang bumili ng panibago dahil nga sa kahirapan. Kaya kahit sabihin pang tunay silang magagaling, naaapektuhan pa rin ang kanilang performance dahil nga sa kasalatan sa kagamitan. Ito ay isa lang sa mga problemang dapat sana ay nabibigyang solusyon ng pamahalaan.
Bukod sa pinansyal na suporta, ang gobyerno ay nagkukulang din sa angkop na atensyon para sa isports, higit lalo sa mga Pilipinong atleta.
Kapuna-puna na nitong nagdaang ika-tatlong State of the Nation Address (SONA) ng Pangulong Benigno Aquino, isa sa mga nakaligtaan niyang banggitin ay ang tungkol sa isports. Wala siyang nasabing plano o narating ng pamahalaan tungkol sa bagay na iyon. Ni hindi man lang niya nagawang pasalamatan o sabihan man lang ng “good luck” ang ating mga atletang sasabak sa London Olympics.
Hindi naman lingid sa kaalaman ng lahat na sa dinami-rami ng problemang kinakaharap ng bansa ay hindi na mapaprayoridad ng gobyerno ang isports. Ngunit sana’y matugunan ng pamahalaan ang pangangailangan ng mga atleta. Dahil sila ay maituturing na “bagong bayani”. Dinadala nila ang pangalan ng Pilipinas sa bawat laban nila sa ibang bansa. Ang bawat pagkapanalo nila ay panalo na rin ng mga Pilipino, at ang bawat pagkatalo ay pagkatalo na rin ng buong Pilipinas.
Milyon-milyong pera ang ilalaan nila sa kontrobersyal na Reproductive Health (RH) Bill kung sakaling maisasabatas ang ito. Isang batas na wala namang kasiguraduhan na makasasagot sa problema tungkol sa kahirapan ng mamamayan. Ang perang nakalaan para sa RH bill ay ilaan na lang sana sa pondo para sa ibang bagay na may katiyakang ikakapanalo, ikagaganda at ikaaayos ng lahat, gaya ng edukasyon, kalusugan at isports.
Kung tutuusin, walang dudang magagaling ang ating mga atleta. May kakayahan sila at talento. Malaki ang potensyal nilang manalo. Sa suporta lang talaga ng gobyerno nagkukulang.
Hindi maikakaila na karamihan sa mga magagaling na atleta ay salat sa buhay. Dahilan para magkulang sila sa mga kagamitang pang-ensayo at panglaban. Kadalasan pa nga ay luma at sira-sira na ang kanilang mga kagamitan. Ang iba pa sa mga iyon ay donasyon lang at pinaglumaan. Hindi naman nila magawang bumili ng panibago dahil nga sa kahirapan. Kaya kahit sabihin pang tunay silang magagaling, naaapektuhan pa rin ang kanilang performance dahil nga sa kasalatan sa kagamitan. Ito ay isa lang sa mga problemang dapat sana ay nabibigyang solusyon ng pamahalaan.
Bukod sa pinansyal na suporta, ang gobyerno ay nagkukulang din sa angkop na atensyon para sa isports, higit lalo sa mga Pilipinong atleta.
Kapuna-puna na nitong nagdaang ika-tatlong State of the Nation Address (SONA) ng Pangulong Benigno Aquino, isa sa mga nakaligtaan niyang banggitin ay ang tungkol sa isports. Wala siyang nasabing plano o narating ng pamahalaan tungkol sa bagay na iyon. Ni hindi man lang niya nagawang pasalamatan o sabihan man lang ng “good luck” ang ating mga atletang sasabak sa London Olympics.
Hindi naman lingid sa kaalaman ng lahat na sa dinami-rami ng problemang kinakaharap ng bansa ay hindi na mapaprayoridad ng gobyerno ang isports. Ngunit sana’y matugunan ng pamahalaan ang pangangailangan ng mga atleta. Dahil sila ay maituturing na “bagong bayani”. Dinadala nila ang pangalan ng Pilipinas sa bawat laban nila sa ibang bansa. Ang bawat pagkapanalo nila ay panalo na rin ng mga Pilipino, at ang bawat pagkatalo ay pagkatalo na rin ng buong Pilipinas.
Milyon-milyong pera ang ilalaan nila sa kontrobersyal na Reproductive Health (RH) Bill kung sakaling maisasabatas ang ito. Isang batas na wala namang kasiguraduhan na makasasagot sa problema tungkol sa kahirapan ng mamamayan. Ang perang nakalaan para sa RH bill ay ilaan na lang sana sa pondo para sa ibang bagay na may katiyakang ikakapanalo, ikagaganda at ikaaayos ng lahat, gaya ng edukasyon, kalusugan at isports.
RSS Feed